Təhsil İnstitutu fənn proqramlarının (kurikulumlarının) təkmilləşdirilməsi üzrə işçi qrup üzvlərinin seçimi üçün müsabiqə elan edir

Tarix: 16.10.2019
Paylaş:

Azərbaycan Respublikasının Təhsil İnstitutu ümumi təhsil pilləsində tədris olunan fənn proqramlarının (kurikulumlarının) təkmilləşdirilməsi üzrə işçi qrup üzvlərinin seçimi üçün müsabiqə elan edir

Xidmət haqqında qısa məlumat: İşçi qrup üzvləri hazırda ölkədə tətbiq olunan və qabaqcıl ölkələrin ümumi təhsil pilləsi üzrə təhsil proqramlarını təhlil və müqayisə edir, müasir təhsil nəzəriyyələrinə və tədris praktikasına uyğunlaşdırır, onların təkmilləşdirilməsi üçün spesifik təkliflər hazırlayır.

Müsabiqədə iştirak etmək arzusunda olan namizədlər aşağıdakı keyfiyyətlərə malik olmalıdır:

  1. İxtisas fənni üzrə dərin biliklər (elmi dərəcə, yüksək attestasiya nəticələri və s.)
  2. Araşdırma və analitik düşünmə bacarığı
  3. Yüksək özünütəhsil vərdişləri
  4. Kompüter bilikləri
  5. Xarici dil bilikləri
  6. Müasir pedaqogika ilə tanışlıq (cari kurikulumlar, müasir təlim texnologiyaları və s.)
  7. Yazılı (kitab, dissertasiya, məqalə və s) və şifahi kommunikasiya bacarığı
  8. Pedaqoji təcrübə (arzuolunandır)

Müsabiqədə iştirak etmək arzusunda olan mütəxəssislərdən 22.11.2019 tarixinədək CV-lərini m.maharramov@arti.edu.az elektron ünvanına göndərmələri xahiş olunur. Zəruri keyfiyyətlərə malik mütəxəssislər müsahibəyə dəvət olunacaq. Müsabiqə bir neçə mərhələdən ibarət olacaq və qaliblərlə ödənişli əsaslarla əməkdaşlıq haqqında müqavilə bağlanacaqdır.