Abşeron-Xızı Regional Təhsil İdarəsinin tabeliyində olan ümumi təhsil məktəblərinin Azərbaycan dili və ədəbiyyat müəllimləri ilə görüş keçirilib

Təhsilverənlərin sertifikatlaşdırılması ilə əlaqədar olaraq Azərbaycan Respublikasının Təhsil İnstitutu tərəfindən müəllimlər üçün təşkil edilən maarifləndirici görüşlər davam edir.

Növbəti görüş 7 mart tarixində Abşeron-Xızı Regional Təhsil İdarəsinin tabeliyində olan ümumi təhsil məktəblərinin Azərbaycan dili və ədəbiyyat müəllimləri ilə keçirilib.

Görüşdə ARTİ İRM-in direktoru Nurlan İsmayılbəyli, MDPİM-in direktoru Nəzakət Mehdiyeva, fənn və metodika üzrə mütəxəssislər iştirak ediblər.

Görüşdə təhsilverənlərin sertifikatlaşdırılması imtahanının qiymətləndirmə çərçivəsi müəllimlərə izah edilib və onları maraqlandıran suallara aydınlıq gətirilib. 2 saata yaxın davam edən görüşdə Abşeron-Xızı Regional Təhsil İdarəsinin tabeliyində olan ümumi təhsil müəssisələrində çalışan 300-dən artıq Azərbaycan dili və ədəbiyyat müəllimi iştirak edib.