Mərkəzi imtahanlı lisey və gimnaziyalara qəbul olmuş şagirdlərin I mərhələ üzrə şəxsi işlərinin qəbulu prosesi başa çatır!
Bakı şəhəri və ölkənin müxtəlif bölgələrində yerləşən bir sıra lisey və gimnaziyalara mərkəzləşdirilmiş şəkildə qəbul olan və qəbul olduğu müəssisə valideynlər tərəfindən təsdiqlənən şagirdlər üçün sorğular yaradılmış və 9 avqustdan başlayaraq valideyn və ya qanuni nümayəndə tərəfindən şagirdlərin qəbul olunduğu cari müəssisəyə sənədlər təqdim edilib.
16 avqust 15:00-dək sənədləri lisey və ya gimnaziyalara təqdim edilməyən şagirdlərin qəbulu etibarsız sayılacaq və sorğuları silinəcəkdir.
Bildirək ki, lisey seçimlərinin ikinci mərhələsi 19 avqust tarixində başlayacaqdır.