Mərkəzi imtahanlı lisey və gimnaziyalarda III mərhələ seçimlərinə start verilir!
2024-2025 tədris ili üzrə 34 təhsil müəssisəsində mərkəzləşdirilmiş qaydada həyata keçirilən lisey və gimnaziyalarda boş qalan yerlərə III mərhələ üzrə lisey seçimlərinə start verilir. Şagirdlərin elektron yerdəyişmə portalında (https://sy.edu.az) “İmtahanlar” bölməsinə daxil olaraq seçim etmək mümkündür. Bu mərhələdə 2 seçim şansı verilir və aşağıdakı şagirdlər iştirak edə bilər:
- 10 baldan yuxarı nəticə göstərən;
- I və II mərhələdə seçim edib, qəbul olmayan şagirdlər;
- I və II mərhələdə seçim etməyən şagirdlər;
- I mərhələdə seçim edib, qəbul olub, lakin sənədlərini məktəbə təqdim etməyib, II mərhələdə seçim etməyən şagirdlər;
- I mərhələdə seçim edib, qəbul olmayan, II mərhələdə seçim etməyən şagirdlər.
Qeyd edək ki, lisey və gimnaziya seçimi 30 avqust 17:00-dək davam edəcək.