23-29 noyabr tarixlərində Bakı Ali Neft Məktəbində informatika fənni üzrə beynəlxalq olimpiadalara hazırlaşan şagirdlər arasında hazırlıq düşərgəsi keçirilib.
Düşərgədə beynəlxalq yarışlarda təqdim edilmiş suallar əsasında yarışlar təşkil edilib, suallar izah olunub və sagirdlərin sosial-emosional inkişafı üçün müxtəlif tədbirlər icra edilib.
2017-ci ildən etibarən “Azercell Telekom” MMC-nin Elm və Təhsil Nazirliyi və Təhsil İnstitutu ilə əməkdaşlığı çərçivəsində informatika olimpiadalarına hazırlıq prosesi uğurla həyata keçirilir. Bu müddət ərzində Azərbaycan komandası müxtəlif yaş qrupları üzrə keçirilən proqramlaşdırma olimpiadalarında ümumilikdə 80 medal qazanıb.