“Sabahın alimləri” XIV Respublika Layihə Müsabiqəsinə qeydiyyatın bitməsinə 3 gün qaldı!
“Sabahın alimləri” XIV Respublika Layihə Müsabiqəsinə qeydiyyatın bitməsinə 3 gün qaldı!
Bu günə qədər 9 istiqamət üzrə qeydiyyatdan keçən layihələrin sayını nəzərinizə çatdırırıq:
Belə ki, Biologiya üzrə 25, Ekologiya, ətraf mühitin idarə olunması üzrə 76, Fizika, astronomiya üzrə 39, Kimya üzrə 22, Kompüter elmləri üzrə 36, Mühəndislik üzrə 57, Riyaziyyat üzrə 79, Robototexnika və süni intellekt üzrə 41, Tibb və sağlamlıq üzrə 23 olmaqla, ümumilikdə 398 layihə qeydiyyatdan keçib.
ABŞ-nin Society for Science təşkilatı tərəfindən təşkil olunan Beynəlxalq Elm və Mühəndislik Sərgisi (ISEF) çərçivəsində ölkəmizdə “Sabahın alimləri” XIV Respublika Layihə Müsabiqəsi keçiriləcək.
Müsabiqənin əsas məqsədi Azərbaycan Respublikasında fəaliyyət göstərən ümumtəhsil müəssisələrinin IX-XI siniflərində təhsil alan şagirdlərin elmi axtarışlara sövq edilməsi, onların elmi və yaradıcılıq fəaliyyətinin stimullaşdırılması çərçivəsində 9 istiqamət (riyaziyyat, fizika və astronomiya, kimya, biologiya, tibb və sağlamlıq, ekologiya və ətraf mühitin idarə olunması, mühəndislik, kompüter elmləri, robototexnika və süni intellekt) üzrə elmi tədqiqat işinə meyli olan istedadlı şagirdlərin aşkar olunmasıdır.
Müsabiqədə iştirak etmək istəyən şagirdlər 24 dekabr 17:00-dək https://app.anket.edu.az/user/88 (Sorğuların idarə olunması) platforması üzərindən qeydiyyatdan keçməli və formaları göndərərək qeydiyyatı tamamlamalıdırlar.
Müsabiqə ilə bağlı qaydalar və formalar, eyni zamanda əlavə məlumatı https://sabahinalimleri.edu.az/ və https://arti.edu.az/ portalından əldə edə bilərsiniz.
Formalar: https://sabahinalimleri.edu.az/index.php/senedler/formalar.html
Qaydalar: https://sabahinalimleri.edu.az/index.php/senedler/qaydalar.html
Müsabiqədə yüksək elmi-tədqiqat nəticələri əldə edən Azərbaycan məktəbliləri Amerika Birləşmiş Ştatlarında keçirilən Beynəlxalq Elm və Mühəndislik Sərgisində (ISEF) iştirak edəcəklər.
Əlavə suallarla bağlı aşağıda qeyd olunan əlaqə vasitələrinə müraciət edə bilərsiniz:
Mob: +99450 791 46 31