22 dekabr tarixində keçirilən Respublika Fənn Olimpiadalarının rayon (şəhər) mərhələsinin nəticələri açıqlanıb. Şagirdlər nəticələri ilə www.portal.edu.az saytındakı şəxsi kabinetləri vasitəsilə tanış ola bilərlər.
Respublika Fənn Olimpiadalarının rayon (şəhər) mərhələsinin nəticələri ilə bağlı ərizələr 3 iş günü ərzində qəbul edilir. Müraciətlər office@arti.edu.az elektron ünvanına yazılı şəkildə göndərilməlidir.
Olimpiadaların təşkil edilməsində məqsəd istedadlı uşaqların aşkar edilməsi, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.
Respublika Fənn Olimpiadalarının respublika mərhələsinin yarımfinal turu ilə bağlı məlumatlar tezliklə paylaşılacaq.
Qeyd edək ki, Azərbaycan Respublikası Nazirlər Kabinetinin 2019-cu il 20 may tarixli, 229 nömrəli Qərarına uyğun olaraq, beynəlxalq fənn olimpiadalarının qalibləri olmuş şagirdlər respublika mərhələsində birbaşa iştirak etmək hüququ əldə edirlər.
Respublika Fənn Olimpiadaları “Kapital Bank”ın baş sponsorluğu ilə həyata keçirilir.
Bütün olimpiada iştirakçılarına uğurlar arzulayırıq!
RFO-nun fənlər üzrə keçid faizləri ilə tanış olmaq üçün müvafiq keçidə daxil ola bilərsiniz: