“Azercell Cup 2025” müsabiqəsinin birinci mərhələsi təşkil edilib

5 aprel tarixində “Azercell Cup” müsabiqəsinin birinci mərhələsi onlayn formatda keçirilib. Müsabiqə müddətində iştirakçılar tərəfindən göndərilən 3960 həll avtomatik qiymətləndirmə sistemi vasitəsi ilə yoxlanılaraq dəyərləndirilib.

Ümumilikdə 0 baldan yüksək nəticə göstərən 216 nəfər növbəti mərhələdə iştirak hüququ qazanıb. Müsabiqənin nəticələri ilə aşağıdakı keçid vasitəsi ilə tanış ola bilərsiniz: https://azercellcup.org/competition/115/leaderboard

Qeyd edək ki, “Azercell Telekom” MMC 2017-ci ildən etibarən informatika fənni üzrə beynəlxalq olimpiadalara hazırlıq prosesini dəstəkləyir. Bu müddət ərzində məktəblilərimiz fərqli yaş qrupları üzrə müxtəlif miqyaslı proqramlaşdırma müsabiqələrində ümumilikdə 90 medal qazanıblar.

Bütün iştirakçılara uğurlar arzulayırıq!