Kimya və riyaziyyat fənləri üzrə beynəlxalq olimpiadalara seçmə imtahanları keçiriləcək!

18 oktyabrda Azərbaycan Respublikasının Təhsil İnstitutunun Təhsil Texnologiyaları Mərkəzində kimya və riyaziyyat fənləri üzrə beynəlxalq olimpiadalara hazırlıq məqsədilə seçmə imtahanlar təşkil ediləcək.

Riyaziyyat fənni üzrə seçmə imtahanda ötən tədris ilində Respublika Fənn Olimpiadasında (RFO) qalib olan şagirdlər, kimya fənni üzrə seçmə  imtahana isə RFO-nun final mərhələsində iştirak edən şagirdlər buraxılacaqlar.

İmtahan saat 10:00-da başlanacaq. Şagirdlərdən şəxsiyyət vəsiqələri ilə birlikdə saat 09:30-da Təhsil Texnologiyaları Mərkəzində olmaları xahiş olunur.

Bütün iştirakçılara uğurlar arzulayırıq!