“Müasir metodist” müsabiqəsinin müsahibə mərhələsinə az qaldı!
ARTİ Metodik Dəstək Mərkəzi tərəfindən icra olunan “Müasir metodist” müsabiqəsinin müsahibə mərhələsi aprelin 13-də başlayır. Bu mərhələ mayın 12-dək davam edəcək. Cavablar mayın son günlərində Regional Təhsil İdarələrinə və namizədlərin telefon nömrələrinə SMS vasitəsilə göndəriləcək.
Müsahibə zamanı namizədlər aşağıdakı meyarlar üzrə dəyərləndiriləcək:
- Özünü təqdimetmə bacarığı
- Proqram üzrə dərs icmalının təqdimatı
- Metodiki və pedaqoji savadlılıq
- Ünsiyyət bacarığı
- Problem həlletmə bacarığı
- Əməkdaşlıq bacarığı
- Liderlik bacarığı
- Peşəkar inkişaf
Qeyd edək ki, ikinci meyar çərçivəsində namizədlər öz ixtisaslarına uyğun bir dərs planı hazırlamalı və onun planlaşdırılmasına dair əsaslandırılmış izah təqdim etməlidirlər.