Təhsil İnstitutunun Xüsusi istedadlı uşaqlarla işin təşkili şöbəsi vakansiya elan edir!
AZƏRBAYCAN RESPUBLİKASININ TƏHSİL İNSTİTUTU
Xüsusi istedadlı uşaqlarla işin təşkili şöbəsi
MÜTƏXƏSSİS VAKANSİYASI
Azərbaycan Respublikasının Təhsil İnstitutunun (ARTİ) Xüsusi istedadlı uşaqlarla işin təşkili şöbəsi istedadlı şagirdlərin aşkar edilməsi və inkişafının dəstəklənməsi, layihələrin hazırlanması və həyata keçirilməsi, müvafiq sahə üzrə araşdırmaların aparılması istiqamətlərində çalışacaq mütəxəssis axtarır.
Əsas vəzifə öhdəlikləri
- Xüsusi istedadlı şagirdlərin aşkar edilməsi və inkişafının dəstəklənməsi istiqamətində layihə və fəaliyyətlərin hazırlanması və həyata keçirilməsində iştirak;
- Respublika və beynəlxalq fənn olimpiadaları, fənn müsabiqələri və digər akademik layihələrin planlaşdırılması və təşkilində iştirak;
- Olimpiada və müsabiqələrin məzmununun hazırlanması, ekspertlərlə iş, tapşırıqların hazırlanması və keyfiyyətinin təmin edilməsi proseslərinə dəstək;
- Olimpiada, müsabiqə və digər layihələr üzrə nəticələrin və statistik məlumatların təhlil edilməsi, tendensiyaların və problemlərin müəyyənləşdirilməsi;
- Məlumatlar əsasında hesabat, analitik arayış, təqdimat və təkliflərin hazırlanması;
- Layihələr üzrə fəaliyyət planlarının, iş qrafiklərinin və digər idarəetmə sənədlərinin hazırlanması, icra prosesinin izlənilməsi;
- Şöbənin fəaliyyət istiqamətləri üzrə normativ, metodiki, təşkilati və digər sənədlərin hazırlanmasında iştirak;
- Yerli və beynəlxalq təcrübənin, tədqiqatların və müasir yanaşmaların araşdırılması və uyğun təcrübələrin tətbiqi ilə bağlı təkliflərin hazırlanması;
- Məktəblər, müəllimlər, ekspertlər, universitetlər və digər tərəfdaşlarla əməkdaşlığın qurulmasına və koordinasiyasına dəstək;
- Görüşlərin, seminarların, təlimlərin, olimpiada və müsabiqələrin, eləcə də digər tədbirlərin təşkilində iştirak;
- Mövcud proseslərin təkmilləşdirilməsi, yeni layihə və mexanizmlərin hazırlanması ilə bağlı təşəbbüslərin irəli sürülməsi;
- Şöbənin fəaliyyət istiqamətlərinə uyğun digər tapşırıqların yerinə yetirilməsi.
Minimum tələblər
- Ali təhsil;
- Təhsil, layihələrin idarə olunması, analitika, tədqiqat və ya əlaqəli sahələrdən birində iş təcrübəsi;
- Məlumatlarla işləmək, onları sistemləşdirmək, müqayisə etmək və nəticə çıxarmaq bacarığı;
- Azərbaycan dilində aydın, düzgün, strukturlu və analitik yazı bacarığı;
- Hesabat, analitik arayış, təqdimat, fəaliyyət planı və digər işgüzar sənədləri hazırlamaq bacarığı;
- Microsoft Office proqramlarından (xüsusilə də Excel-də məlumatlarla işləmək və əsas təhlillər aparmaq bacarığı) sərbəst istifadə;
- Eyni vaxtda bir neçə tapşırığı planlaşdırmaq, prioritetləşdirmək və müəyyən edilmiş müddətdə icra etmək bacarığı;
- Komandada işləmək və müxtəlif tərəflərlə effektiv kommunikasiya qurmaq bacarığı;
- Məsuliyyətlilik, dəqiqlik, təşəbbüskarlıq və yüksək təşkilatçılıq qabiliyyəti.
Üstünlük verilir
- Fənn olimpiadaları, müsabiqələr, istedadlı şagirdlərlə iş və ya digər akademik layihələr üzrə təcrübə;
- Təhsil layihələrinin hazırlanması və idarə olunmasında iştirak təcrübəsi;
- Böyük həcmli məlumat bazaları ilə işləmək və məlumatların təhlili üzrə praktiki təcrübə;
- Excel-in analitik imkanlarından, vizuallaşdırma və digər data təhlili alətlərindən istifadə bacarığı;
- Tədqiqat aparmaq, elmi və peşəkar mənbələri araşdırmaq və nəticələri praktik təkliflərə çevirmək bacarığı;
- İngilis dilində peşəkar və elmi mənbələri oxuyub anlamaq bacarığı;
- Riyaziyyat, fizika, kimya, biologiya, informatika və digər olimpiada fənlərindən biri üzrə güclü akademik baza;
- Fənn olimpiadası və müsabiqələrində iştirak və ya qalibiyyət təcrübəsi;
- Təhsil sahəsində metodiki, analitik və ya layihə sənədlərinin hazırlanması təcrübəsi;
- Süni intellekt və digər rəqəmsal alətlərdən məlumatların təhlili, araşdırma, məzmun və sənədlərin hazırlanması məqsədilə effektiv istifadə bacarığı.
Biz nə təklif edirik?
ARTİ-nin Xüsusi istedadlı uşaqlarla işin təşkili şöbəsində çalışmaq ölkənin ən istedadlı şagirdlərinin aşkar edilməsi və inkişafının dəstəklənməsinə xidmət edən milli əhəmiyyətli layihələrdə iştirak etmək imkanıdır:
- Respublika və beynəlxalq fənn olimpiadaları və müsabiqələri üzrə iş təcrübəsi;
- İstedadlı şagirdlərin aşkar edilməsi və inkişafı ilə bağlı yeni layihə və mexanizmlərin hazırlanmasında iştirak;
- Ölkənin müxtəlif bölgələrindən olan istedadlı şagirdlər, müəllimlər və ekspertlərlə əməkdaşlıq;
- Yerli və beynəlxalq təcrübələrin araşdırılması və onların tətbiqində iştirak;
- Layihələrin idarə olunması, data təhlili, analitik düşüncə və sənədlərlə iş bacarıqlarının inkişaf etdirilməsi;
- Yeni ideya və təşəbbüslərin müzakirə və tətbiq oluna bildiyi peşəkar iş mühiti.
Kimi axtarırıq: gözlədiyimiz iş yanaşması
- Öyrənməyə və dəyişikliyə açıqlıq – öz üzərində davamlı işləyən, “daha yaxşısı necə olar” deyə soruşan;
- Texnoloji yeniliklərə həssaslıq – süni intellekt daxil olmaqla müasir alətləri izləyən və işində tətbiq edən;
- Data və sübut əsaslı qərarvermə – fikirlərini şəxsi qənaətlə deyil, məlumat və tədqiqatlarla əsaslandıran;
- Düşünülmüş təşəbbüskarlıq – yeni yanaşmaları sınamaqdan çəkinməyən, səhvdən öyrənən.
İş şəraiti
- İş rejimi: tam ştat
- İş qrafiki: həftədə 5 gün, saat 9:00–18:00
- Ünvan: Bakı şəhəri, Fətəli xan Xoyski, 109
Müraciət qaydası
- Yuxarıda qeyd olunan tələblərə cavab verən namizədlərdən CV-lərini 15 sentyabr 2026-cı il tarixinədək ARTİ-nin hr@arti.edu.az poçt ünvanına göndərmələri xahiş olunur.
- E-poçtun mövzu sətrində “Xüsusi istedadlı uşaqlarla işin təşkili şöbəsi – mütəxəssis” yazılmalıdır.
- Daxil olmuş CV-lər nəzərdən keçiriləcək və vakansiyanın tələblərinə uyğun hesab edilən namizədlərlə əlaqə saxlanılacaq.
Bərabər imkanlar
ARTİ bütün namizədlərə cinsindən, yaşından, dinindən, fiziki imkanlarından və digər fərqlərindən asılı olmayaraq bərabər imkanlar təqdim edir.