Fizika fənni üzrə seçim imtahanı keçiriləcək

Oktyabrın 11-də Təhsil Texnologiyaları Mərkəzində fizika fənni üzrə seçim imtahanı keçiriləcək. İmtahanın nəticələrinə əsasən bu fənn üzrə növbəti hazırlıq və seçim mərhələlərinə cəlb olunacaq şagirdlər müəyyənləşdiriləcək.

İmtahanda aşağıdakı meyarlara uyğun şagirdlər iştirak edə bilərlər:

          Aşağı yaş qrupu

• Hazırda 9-cu sinifdə təhsil alan və 2025–2026-cı tədris ili üzrə Respublika Fənn Olimpiadasının (RFO) final turunda iştirak etmiş şagirdlər;
• Hazırda 9-cu sinifdə təhsil alan və 2024–2025-ci tədris ili üzrə Respublika Fənn Müsabiqəsinin (RFM) qalibləri.
  
  Yuxarı yaş qrupu
  
  
• Hazırda 10-cu və ya 11-ci sinifdə təhsil alan və 2025–2026-cı tədris ili üzrə Respublika Fənn Olimpiadasının (RFO) qalibləri.
  
  📅 Tarix: 11 oktyabr 2026-cı il
  
  ⏰ İmtahanın başlanma vaxtı: 10:00
  
  📍 Ünvan: Təhsil Texnologiyaları Mərkəzi, Bakı şəhəri, Nərimanov rayonu, Fətəli Xan Xoyski küçəsi 109
  
  İştirakçıların ən gec saat 09:30-da imtahan mərkəzində olmaları xahiş olunur.
  
  Şagirdlər imtahana gələrkən özləri ilə şəxsiyyət vəsiqəsi və kalkulyator gətirməlidirlər.