Təhsil İnstitutu tərəfindən respublikanın müxtəlif bölgələri üzrə ümumi təhsil məktəblərinin peşə təmayüllü siniflərində monitorinqlərin keçirilməsinə başlanılıb

7 oktyabr 2024-cü il tarixindən etibarən Təhsil İnstitutunun “Peşə və ömürboyu təhsilin proqramları” şöbəsinin təşkilatçılığı ilə respublikanın müxtəlif bölgələri üzrə ümumi təhsil məktəblərində təşkil olunan peşə təmayüllü siniflərdə monitorinqlərin keçirilməsinə başlanılıb. Ümumilikdə 200 peşə təmayüllü siniflərdə monitorinqin keçirilməsi nəzərdə tutulub.

Monitorinq peşə təmayüllü siniflərdə infrastrukturun vəziyyəti, maddi-texniki bazanın yararlılığının müəyyənləşdirilməsi, tədris prosesinin səmərəliliyi, şagird səriştələrinin inkişafı, proqnozların və inkişaf perspektivlərinin müəyyən edilməsi məqsədilə hazırlanmış fəaliyyət indikatorları əsasında peşəkar monitorinq mütəxəssisləri tərəfindən həyata keçirilir.