23 noyabr – 2 dekabr tarixlərində Rusiyada keçirilən Yeniyetmələrin Beynəlxalq Elm Olimpiadasında (IJSO 2025) Azərbaycan məktəbliləri yüksək nəticə əldə ediblər. Rusiya, Çin, Hindistan, Macarıstan, Serbiya, Tayland və digər ölkələri təmsil edən güclü komandaların iştirak etdiyi nüfuzlu elm yarışında 6 nəfərdən ibarət milli komandamız ümumilikdə 4 gümüş və 2 bürünc medal qazanaraq iştirakçı ölkələr sırasında 5-ci yerə layiq görülüb.

Gümüş medal qazananlar:

Rəsul Şahverdiyev – Astara rayonu Pensər kənd 2 nömrəli tam orta məktəb-liseyin X sinif şagirdi

Oğuz Əlili – Masazır kənd 3 nömrəli tam orta məktəbin X sinif şagirdi

Mikayıl İbrahimli – Türkiyə Dəyanət Vəqfi Bakı Türk liseyinin X sinif şagirdi

Mehdi Həbibzadə – Türkiyə Dəyanət Vəqfi Bakı Türk liseyinin IX sinif şagirdi

Bürünc medal qazananlar:

Fidan Həşimova – BDU-nun nəzdində “Gənc istedadlar” liseyinin IX sinif şagirdi

Hidayət Quliyev – Bərdə şəhər Akademik Zərifə Əliyeva adına texniki fənlər təmayüllü liseyin X sinif şagirdi

Qeyd edək ki, ötən tədris ilində Azərbaycan komandası bu olimpiadadan 6 bürünc medal qazanmışdı. Bu il Azərbaycan komandasının nəticələri əhəmiyyətli dərəcədə yüksələrək beynəlxalq arenada məktəblilərimizin elmi potensialını bir daha təsdiqləyib.