Videoresurslar

Təhsil İnstitutu tərəfindən müəllimlərə metodik dəstək məqsədilə “Peşəyönümü işinin təşkili” mövzusunda videoresurs hazırlanıb. Videoresursda peşəyönümü işinin mahiyyəti və əhəmiyyətindən, qarşıya çıxan problemlərin həll edilməsində rolundan bəhs edilir. İbtidai, ümumi orta, tam orta təhsil səviyyələrində peşəyönümü işinin təşkili üsulları, eləcə də tam orta təhsil səviyyəsində peşə təmayüllü siniflərin rolu barədə məlumat təqdim edilmişdir.

Peşəyönümü işinin təşkili

Daha ətraflı

ARTİ tərəfindən müəllimlərə metodik dəstək məqsədilə “Formativ qiymətləndirmənin dəstəkləyici əks əlaqə üçün istifadə olunması” mövzusunda videoresurs hazırlanıb.

Videoresursda formativ qiymətləndirmənin mahiyyəti və məqsədi, əks-əlaqəni effektiv edən xüsusiyyətlər, dəstəkləyici əks-əlaqənin qurulması yollarından bəhs edilir. Dəstəkləyici əks-əlaqənin mahiyyəti, şagirdlərin stimullaşdırılmasında əks-əlaqənin əhəmiyyəti barədə məlumat təqdim edilmişdir.

Formativ qiymətləndirmənin dəstəkləyici əks əlaqə üçün istifadə olunması

Daha ətraflı

ARTİ MDPİM tərəfindən metodik dəstək məqsədi ilə müəllimlərin təlim ehtiyaclarına uyğun videoresurlar hazırlanmışdır.

Qeyd edək ki, bu rubrikada metodik dəstək məqsədi ilə müəllimlərin təlim ehtiyaclarına uyğun videoresurslar davamlı olaraq yerləşdiriləcək.

Növbəti videoresursumuzu təqdim edirik: “Tənqidi təfəkkür və problem həlletmə bacarıqlarını necə inkişaf etdirməli”. Materialda tənqidi təfəkkürün şagirdlərdə formalaşdırılmasının əhəmiyyəti, qarşıya çıxan problemlərin həll edilməsində rolundan bəhs edilir. Problemin müəyyənləşdirilməsi, təhlili, həlli üçün səmərəli yolun tapılması və mərhələli şəkildə həll edilməsi üçün tənqidi təfəkkürün əhəmiyyəti barədə məlumat, eləcə də şagirdlərdə tənqidi təfəkkürü formalaşdırmaq üçün bir sıra üsullar təqdim edilmişdir.

Tənqidi təfəkkür və problem həlletmə bacarıqlarını necə inkişaf etdirməli

Daha ətraflı

Elmi-texnoloji inkişaf, xüsusilə, rəqəmsallaşmanın sürətlənməsi Dördüncü Sənaye İnqilabını formalaşdıran təməl elementlərdən hesab edilir. Elmin və texnikanın, texnologiyanın və istehsalatının inkişaf səviyyəsi və ümumtəhsil məktəblərində öyrədilən fənlərin tədris səviyyəsi bir-biri ilə vəhdət təşkil edir. Bu istiqamətdə XXI əsr bacarıqları əhəmiyyətli rola malikdir. Təhsil sahələrinə yeni-yeni texnologiyalar tətbiq olunur ki, bu da təlim məqsədinə çatmaq üçün səmərəli təlim metodlarının seçilməsi zərurətini meydana çıxarır. Bu istiqamətdə sagirdyönümlü təlim metodları mühum əhəmiyyət kəsb edir.

Növbəti videonu təqdim edirik: Sagirdyönümlü təlim

Sagirdyönümlü təlim

Daha ətraflı

Videoresursların hazırlanmasının əsas məqsədi şagirdlərin şəxsi keyfiyyətlərinin (səriştələrin formalaşdırılması) inkişafı üçün müəllimlərin peşəkarlıq səviyyəsinin artırılmasıdır.

Videoresurslar ARTİ MPDİM-in Əlaqələndirmə, Metodik Xidmət şöbəsinin əməkdaşları və Bakı Avropa Liseyinin müəllimi tərəfindən səsləndirilib və ARTİ-nin rəsmi Youtube səhifəsində paylaşılıb.

İlk mövzunu sizə təqdim edirik: Gündəlik planlaşdırma

Gündəlik planlaşdırma

Daha ətraflı